Man Utd ទម្លាក់​លុយ​១៧០​លាន​ផោន​ទិញ​ ​Kane ​ចាប់​ដៃគូ​ជាមួយ ​​Lukaku

 ក្រុម​បិសាច​ក្រហម ​Manchester United កំពុង​រៀប​ចំ​ទឹក​ប្រាក់​១៧០​លាន​ផោន​ក្នុង​ការ​ផ្ទេរ​យក​ខ្សែ​ប្រយុទ្ធ​ Harry Kane របស់​ Tottenham នេះ​បើ​តាម​ប្រភព ​Metro។ ក្រុម​បិសាច​ក្រហម​មាន​ទំនាក់ទំនង​ជា​យូរ​មក​ហើយ ​ជាមួយ​កីឡាករ​វ័យ​២៤​ឆ្នាំ​រូប​នេះ ​​ហើយ​មក​ដល់​រដូវ​កាល​២០១៧/២០១៨​ ក៏​មាន​ទំនាក់​ទំនង​ម្ដង​ទៀត​​ ស្រប​ពេល​កីឡាករ​រូប​នេះ​រក​បាន​១១​គ្រាប់​ឲ្យ​ Spurs ​៩​ប្រកួត​នៅ​ដើម​រដូវ​កាល​ថ្មី​នេះ​។

 ក្រុម​ខ្នាយ​មាស​ពិត​ជា​មិន​ចង់​លក់​ខ្សែ​ប្រយុទ្ធ​ល្អ​របស់​ខ្លួន​នោះ​ទេ ​ហើយ​ពួក​គេ​ចង់​ទុក​កីឡាករ​ជម្រើស​ជាតិ​អង់គ្លេស​ឲ្យ​នៅ​បន្ត​ទៀត​។ ​ប៉ុន្តែ​ប្រភព​មួយ​ទៀត​គឺ The Sun បាន​សន្និដ្ឋាន​ថា​ Jose Mourinho បាន​ត្រៀម​ខ្លួន​រួច​ហើយ​ក្នុង​ការ​ទិញ​កីឡាករ​រូប​នេះ ​បំបែក​កំណត់​ត្រា​ Premier League មក​លេង​នៅ ​Old Trafford។ បិសាច​ក្រហម​ទើប​តែ​ទិញ​បាន​ខ្សែ​ប្រយុទ្ធ​ Romelu Lukaku​ពី​ក្លឹប ​Everton ក្នុង​រដូវ​ក្ដៅ​នេះ​ ហើយ​លោក Jose ជឿ​ថា ​Kane នឹង​ក្លាយ​ជា​ខ្សែ​ប្រយុទ្ធ​ដៃគូ​ជាមួយ​កីឡាករ​បែលហ្សិក​សាក​សម​បំផុត។ កាល​ពី​២​ឆ្នាំ​មុន​ Red Devils បាន​ចំណាយ​លុយ​៤០​លាន​ផោន​បូក​ទាំង​ Javier Hernandez សម្រាប់​នាំ​យក​ Kane ប៉ុន្តែ​Spurs បាន​បដិសេធ​ភ្លាម​តែ​ម្ដង។

យ៉ាង​ណា​ក៏​ដោយ​! នៅ​ពេល​នេះ​ Spurs កំពុង​តំឡើង​តម្លៃ​ប្រាក់​ឈ្នួល​ឲ្យ​ Harry Kane ​១៥​ម៉ឺន​ផោន​ដើម្បី​បិទ​ការ​ផ្ទេរ​ចេញ​ពី​ការ​ចង់​បាន​របស់​ Manchester United និង ​Real Madrid ៕
ប្រភព៖ KQube

Loading...